ایراندا تعلیمات آماجلاری
فرزاد صمدلی
ايراندا تعليمات آماجلاري مقالهسيني آذربايجانين ديرلي يازاري فرزاد صمدلي 1384 نجو ايلينده ايران و آذربايجانين يئني ائيتيم سيستمينين آتاسي، ميرزه حسن روشديهنين آغيرلاما سئمينارينا يازميشدي. «گونئي آذربايجان» وئبلاگي بو ديرلي مقالهني الكترونيك بير كيتاب كيمي PDF فورمتينده حضورونوزا تقديم ائدير.
بو كيتابي اوخوماق ايچين بورايا تيكلايين!
بو كيتابلا آرتيق تانيش اولماق ايچون، كيتابين اؤنسؤزون بيرليكده اوخويوروق:
کئچمیشده «معاریف» و «تعلیم- تربیت»، ایندیلر ایسه تات- فارس دیلینده «آموزش و پرورش» و تورکجهمیزده «ائیتیم» و هابئله «اؤیرهتیم» ترمینلری ایچره چالیشمالارین آماجلاری، بوتون ساحهلرده اولان بیلگیلری و تجروبهلری اؤتن نسیلدن یئنی نسیله یئتیرمک، بوگونکو نسیلده گلیشدیرمک و گلهجک نسیله اؤتورمکدیر. بئله چالیشمالار تاریخ بویو بشر یاشاییشیندا آرا كسيلمهدن ایزلهنیبدیر.
بو ترقییاتین دالبادال آرتماسیندا ایکی آیریلمازعونصور واردی:
1- آماج(هدف)
2- آراج(ابزار).
هراینسان بیر دوشونجه قایناغی کیمی دوشونن و بیر ایراده مرکزی کیمی تؤرهدندیر. اینسانلار اینکیشاف تاریخینده اؤز آماجلاری اوزانتیسیندا یارادیب، قوروب، قورویوب وهابئله قوردوغونو دَییشیب و داغیدیبدیر!
بو گئدیشین ایرلیلَمهسینده طبیعی و صونعی آراجلار بؤیوک رول اویناییبلار.
تاریخ بویو اؤیرهتیم گئدیشینده آماجلارین گئنیشلهنمهسی (هابئله دَییشیلمهسی) و آراجلارین یئنیلنمهسی آیدینجاسینا گؤزه چارپیر.
اؤتن 285 ایل ایچره ایراندا اؤیرهتیم ساحهسینده آراجلارین گونلهنیب گوجلهنمهسی، آماجلارین گئنیشلهنمهسینه سبب اولورسا دا آنجاق کئچن 85 ایلده آماجلارین دَییشیلمهسی ده گؤزه چارپیر!
تقدیم ائتدیلمیش مقالهده چالیشیلاجاق چوخ قیسا اولاراق ایراندا تعلیمات آماجلارینی صفوی خاقانلیغینین ییخیلیشیندان بوگونهدک ؛« دوْنوش ، ترپهنیش ، دیرهنیش و دؤنوش» آدلی مرحلهلرله آیدینلاشدیریلسین..... .
آرتیرمالییام بو مقاله، [84 نجو ايلين] دی آیینین 8 - ده میرزه حسن روشدیه سئمیناریندا ایرائه اولاندان سونرا عومومی یاییلماسینادک داها آرتیق کامیللَشیبدیر. هابئله بو مقالهده، یازارین ترجومهیه فورصتی اولمادیغینا گؤره بعضی فاکتلار تات-فارس دیلینده وئریلیبدیر کی بوتون حؤرمتلی و عزیز تورک اوخوجولاردان دؤنهلرله باغیش ایسته نیلیر.
گونئي آذربايجان
